Verwiederen van dien Smoogies-account
Hoe je dien account verwiederst, wat der meteen weg gaot, en hoe n verwiedering die je niet zo bedoeld hest nog weer ongedaon maakt worden kan.
Verwieder dien account in de app
- Tik op t spelersicoon rechtsboven in t scharm.
- Tik onder dien account op Meer opties.
- Kies Account verwijderen.
- Schrief de spelerscode op die daor staot, en bevestig dan mit dien wachtwoord.
De app van dien apparaat ofhaolen verwiedert dien account niet.
Wil je allint n deel van dien gegevens kwiet?
Daorveur hoef je dien account niet te verwiederen. Mail support@smoogies.com mit dien spelerscode en vertel ons wat der weg mot: feedback of berichten an support, berichten op t forum, de IP-adressen en apparaatgegevens die wij bij dien account bewaort, foutrapporten, of wat der van je bewaard is van de vrogere Smoogies-website.
Wij haolt t weg en laot je weten as t klaor is. Dien account en dien veurtgang blieft zoas ze bint. Dien spelerscode vind je in t spel achter de menuknop, onder Support.
Wat der verwiederd wordt, en wat n jaor bewaard blif
Alles wat laot zien wie je bint, gaot meteen weg en kan niet weerum haold worden:
- dien e-mailadres, dien wachtwoord en dien inlog
- elke sessie waorin je inlogd bint, op elk apparaat
- de IP-adressen die wij bewaard hebt en de locaties die daoruut ofleid bint
- dien apparaatgegevens en eventuele foutrapporten van dien account
Dien opslagen spel (dien huusdieren en heur namen, dien veurwarpen, dien huus en tuun, dien veurtgang, dien spelersnaam en dien spelerscode) wordt 12 maonden bewaard zonder dat der nog wat an zit dat naor die wiest, zodat n verwiedering die je niet zo bedoeld hest ongedaon maakt worden kan. Nao 12 maonden wordt t vanzölf wist.
Feedback die je stuurd hest, holdt de contactgegevens 30 dagen vanof de dag dat je t stuurd hest, zodat wij je nog antwoord geven kunt. Aankoopgegevens wordt bewaard zoas de Nederlandse belastingwet t vraogt, maor zonder de koppeling mit die. Berichten op t forum blieft staon, behalve as je ons vraogst ze weg te haolen. Alle details staot in onze privacyverklaoring.
Hulp neudig, of toch van gedachten veranderd?
As je niet in t spel kunt, mail dan support@smoogies.com mit dien spelersnaam of spelerscode, en t e-mailadres dat an t account koppeld is as dat der nog is.
Per ongeluk verwiederd? Binnen 12 maonden kunt wij dien opslagen spel an n nieuwe inlog koppelen. Geef dien spelerscode op: niks aanders verbindt t spel nog mit die, dus wij kunt t niet veur je opzuken. Wil je die 12 maonden niet ofwachten, vraog t ons dan en wij wist t meteen.